LEMBA HOKA MIYU (Village folks)

Nyanii-mida mi inchi siila,
Diinii-baanii mi kachi siila;
Ari-apii mi kalyan siila,
Konchi-Kamo mi inkun siila;
Lemba hoka miyu-Tanii miyu.

(Photo Source-Christa Neuenhofer)

Pikke-pila mi diigii siila,

Kaji-paka mi diiba siila;
Pore-O mi tamba siila,
Biisi-ayu mi yuba siila;
Lemba hoka miyu-Tanii miyu.

Anii-piida ho kalyan siila,
Yasi-yamu ho helyan siila;
Diimo-irre mi miibo siila,
Ditun-ratun mi imba siila;
Lemba hoka miyu-Tanii miyu.

(Photo Source- SOAS, London)

Aji-lyapyo mi miikun siila,

Yasan-yamu mi pakun siila;
Dibii-narun mi miiba siila,
Sulu-siikhii mi miibo siila;
Lemba hoka miyu-Tanii miyu.

(Photo source-Tom Gibson,1991)